ខ្ញុំដើរត្រាច់ចរឆ្លងកាត់​​វាលរហោស្ថានគ្រប់ទីកន្លែង ហើយតតាំងជាមួយសត្វសាហាវជាច្រើនដែលខ្ញុំជួបប្រទះ ប៉ុន្តែចំពោះហ្គេមរត់គេចរបស់ប្រាសាទលាក់ខ្លួននៅខេត្តសៀមរាបមួយនេះ បានធ្វើអោយខ្ញុំអេះក្បាលខ្លួនឯងទៅវិញ! អស់ពីបំប្លែងលេខកូដនិមិត្តសញ្ញាបុរាណ ត្រូវរត់គេចពីអន្ទាក់ ដែលមើលទៅដូចជាដាស់សត្វសិង្ហអោយភ្ញាក់ឡើង ប្រាសាទនេះគឺពិតជាមិនធម្មតាមែន។ ក្រុមប្រតិបត្តិការរបស់ខ្ញុំ រួមទាំងខ្ញុំផ្ទាល់ត្រូវតែឆ្លាតវៃជាងកន្លែងនេះទើបបាន បើមិនអញ្ចឹងទេគឺប្រថុយទៅនឹងការជាប់គាំងនៅទីនេះ។ វាមិនមែនជាការងាយស្រួលទេ ប៉ុន្តែដោយភាពក្លាហានតែបន្តិចបូករួមនិងការសហការជាក្រុមយ៉ាងខ្លាំងក្លា យើងបានសម្រេចវាទាន់ពេល! ប្រសិនបើលោកអ្នកកំពុងស្វែងរកដំណើរផ្សងព្រេងដែលសាកល្បងភាពវៃឆ្លាត និងភាពក្លាហានរបស់អ្នក នេះជាការប្រឈមមួយដែលសាកសមនិងសាកល្បងបំផុត។ -ដាវី ខ្រុកគែត

"ក្នុងនាមខ្ញុំជាអ្នកដែលចូលចិត្តចំណាយពេលដ៏សមហេតុផលរបស់ខ្ញុំក្នុងការគេចពីអន្ទាក់ និងដោះស្រាយប្រាស្នាបុរាណជាច្រើន ខ្ញុំបានគិតថាខ្ញុំនឹងអាចបញ្ចប់ហ្គេមនេះបានយ៉ាងងាយស្រួលបំផុតក្នុងមួយប៉ព្រិចភ្នែករបស់ខ្ញុំ នៅហ្គេមរត់គេចប្រាសាទលាក់ខ្លួនក្នុងខេត្តសៀមរាបនេះ ផ្ទុយទៅវិញប្រាសាទនេះបែរជាមានល្បិចកលមួយចំនួនបោកខ្ញុំបានទៅវិញ! រវាងការបម្លែងវត្ថុសម័យបុរាណកាល និងការគំរាមកំហែងនៃបណ្តាសានៅកន្លែងនេះ វាក្លាយជាការប្រណាំងប្រជែងជាមួយពេលវេលា។ ខ្ញុំនិងក្រុមរបស់ខ្ញុំ ស្ទើតែគេចខ្លួនមិនទាន់ គួរតែអរគុណដែលលើកនេះពស់មិនចឹក។ ប្រសិនបើអ្នកចង់ក្លាយជា ឥណ្ឌាណា ចន៍បន្ទាប់ ដំណើរផ្សងព្រេងមួយនេះពិតជានិងដាក់ទេពកោសល្យដែលអ្នកមានទាំងប៉ុន្មាននៅក្នុងការសាកល្បង!" -ឥណ្ឌាណា ចន៍

សួស្តី! ក្នុងនាមខ្ញុំជាអ្នកជំនាញរុករកម្នាក់ ខ្ញុំគិតថា ខ្ញុំអាចដោះស្រាយហ្គេមរត់គេចប្រាសាទលាក់ខ្លួននេះបានទាំងអស់។ ប៉ុន្តែខ្ញុំសុំប្រាប់អោយអ្នកទាំងអស់គ្នាដឹងថា ប្រាសាទនេះ បានធ្វើអោយខ្ញុំគាំងជាខ្លាំង! រវាងការដោះស្រាយប្រស្នាបុរាណ ហើយជៀសវាងការភ្ញាក់ផ្អើលដែលមិននឹកស្មានដល់មួយចំនួន។ ខ្ញុំនិងក្រុមរបស់ខ្ញុំបានប្រឹងប្រែងយ៉ាងចាស់ដៃដើម្បីរត់គេចរួច។ យើងស្ទើរតែធ្វើវាមិនទាន់ពេល ប៉ុន្តែដោយការខិតខំរួមគ្នាជាក្រុម ហើយប្រហែលជាសំណាងដល់ យើងក៏ធ្វើវាបាន! ខ្ញុំគួរតែនិយាយថា ទីបំផុត ខ្ញុំចូលចិត្តសត្វកញ្ជ្រោងជាងសត្វពស់។ ធ្វើការជ្រើសរើសក្រុមរបស់អ្នកប្រសិនបើអ្នកគិចថា អ្នកអាចកាន់កាប់ដំណើរផ្សងព្រេងមួយនេះ...ហើយកុំភ្លេចអាហារសម្រន់! ដូរ៉ា